पुलिस भर्ती परीक्षा ल लेके हाईकोर्ट ह राज्य सरकार ल दिस आदेश, 90 दिन के भीतर नवा सिरा ले आयोजित करें शारीरिक परीक्षा

जय जोहार रायपुर…. पुलिस विभाग म भर्ती प्रक्रिया ल निरस्त करे ले वंचित अभ्यर्थी मन के तरफ ले दायर याचिका म उच्च न्यायालय के डिवीजन बेंच ह सुनवाई करिस। ये डिवीजन बेंच ह राज्य सरकार ल 90 दिन के भीतर भर्ती प्रक्रिया अंतिम करे बर आदेशित करिस। एमा पूर्व म ले गे रहिस लिखित परीक्षा ल बरकरार रखत हुए नवा सिरा ले आयोजित शारीरिक भर्ती परीक्षा म उत्तीर्ण अभ्यर्थी मन ल भर्ती के पात्र बताए हे। कोनो अन्य अभ्यर्थी ल आगामी प्रक्रिया म भाग लेके अधिकार नई होही।

बता दन कि 29 दिसंबर 2017 के पुलिस विभाग म 2259 आरक्षक जीडी पद मन म भर्ती बर विज्ञापन जारी करे गे रहिस। आवेदन जमा करे के अंतिम तिथि 4 फरवरी 2018 अऊ लिखित परीक्षा 30 सितंबर 2018 के ले गे रहिस।

ऊहचे शारीरिक दक्षता परीक्षा 28 अप्रैल 2018 ले 12 जून 2018 के बीच म ले गे रहिस। जेमा 61511 अभ्यर्थी उत्तीर्ण होए रहिस, लेकिन 27 सितंबर 2019 के पुलिस महानिदेशक ह भर्ती परीक्षा ल निरस्त कर दे रहिस।