विधायक दल के बैठक म होइस फैसला, विधानसभा म काले कपड़ों म पहुंचही भाजपा विधायक

जय जोहार रायपुर…. सदन म सरकार ल घेरे बर विपक्ष ह अपन रणनीति तय कर लिस। नेता प्रतिपक्ष धरमलाल कौशिक ह अपन कक्ष म विधायक दल के बैठक लिस। एमा निर्णल ले गिस कि भाजपा धान खरीदी म गड़बड़ी अऊ लेटलतीफी के मुद्दा म सरकार ल घेरही।

नेता प्रतिपक्ष धरमलाल कौशिक ह मीडिया ले बात करत हुए कहिन कि धान खरीदी अऊ किसान मन ल लेके सरकार गंभीर नई हे। राज्य सरकार ल सदन म घेरे बर रणनीति बनाए गे हे, जेन किसान मन के टोकन कट चुकिस हे, ओखर ले सरकार ल धान खरीदना चाही।

पूर्व मुख्यमंत्री डॉ. रमन सिंह ह कहिन कि प्रदेश म किसान परेशान हे, किसान मन के धान भीगत हे, लेकिन राज्य सरकार किसान मन के धान ल नई खरीदी करत हे। हम सरकार ल सदन म धान खरीदी ल लेके घेरही। बैठक म तय करे गिस कि काले रंग के कपड़े पहनके विपक्ष के सबो विधायक आही।