तीन मार्च के मुख्यमंत्री भूपेश बघेल ह पेश करही छत्तीसगढ़ के बजट

जय जोहार रायपुर…. छत्तीसगढ़ के बजट मार्च म पेश होही। मुख्यमंत्री भूपेश बघेल ह तीन मार्च के बजट ल पेश करही। दरअसल पिछले कई दिन मन ले ये अटकलें लगत रहिस कि 29 फरवरी के बजट पेश हो सकत हे, लेकिन 29 फरवरी के भूपेश कैबिनेट के बैठक कोरबा के सतरेंगा म रखे गे हे। जेखर बाद बजट के तारीख ल आगे बढ़ा दे गिस।

बता दन कि एक अप्रैल तक चलने वाले बजट म कुल 22 बैठक होही। बजट सत्र ल लेके सत्ता पक्ष ले लेके विपक्ष ह खूब सवाल लगाए हे। 1900 ले ज्यादा सवाल विधानसभा म सदस्य पूछही।