एक्सप्रेस वे के घटिया निर्माण के जिम्मेदारी तय, 6 अधिकारी निलंबित

जय जोहार रायपुर…. एक्सप्रेस वे के निर्माण म लापरवाही के मामला म बुधवार के सदन म बड़े कार्रवाई होइस। सदन म मामला उठने के बाद पीडब्ल्यूडी मंत्री ह 6 अधिकारी मन ल निलंबित करे के घोसना करिस। एखर संगेसंग मंत्री ह कंसल्टेंट ले 1.18 करोड़ के वसूली के नोटिस घलो जारी करिस।  पीडब्ल्यूडी मंत्री ताम्रध्वज साहू ये कार्यवाही के घोसना जनता कांग्रेस छत्तीसगढ़ के विधायक धर्मजीत सिंह के तरफ ले मामला उठाने म करिस।

पीडब्ल्यूडी मंत्री ह कहिन कि एक्सप्रेस वे के मुख्य तकनीकी परीक्षक ले जांच कराए गे हे। कार्यवाही प्रचलन म हे। वर्तमान म एक्सप्रेस वे के कुछु भाग क्षतिग्रस्त हो गे हे, जेखर सुधार कार्य प्रगति म हे। ठेकेदार ले दोबारा काम कराए जात हे, मंत्री ह 6 अधिकारी मन के निलंबन के संगेसंग कंसल्टेंट कंपनी ले 1.18 करोड़ रूपिया के वसूली के नोटिस जारी करे के घोसना करिस।