बकमा म चौकीदार ल मार डारिस हाथी मन

महासमुंद। बागबाहरा वन परिक्षेत्र के ग्राम बकमा म मंगलवार के बिहनियां हाथी मन ह वृत्त सहाकरी समिति के चौकीदार ल कुचल के मार डारिस। घटना के खबर सुनत ही आसपास क्षेत्र म दहशत के माहुल बन हुए हे। येती वन अमला घलो घटना स्थल म पहुंच गे हे।
डिप्टी रेंजर मोती साहू ह बताइन के हाथी मन के दल ह मंगलवार के बिहनियां 11 बजे ग्राम बकमा वृत्त सहकारी समिति के चौकीदार चिंताराम पिता परदेशी साहू (60) ल हाथी मन ह कुचल के मार डारिस। मृतक ल जंगल के ओर जाय ले मना करे गे रिहिस हे, ओखर बाद वो ह नइ मानीस अउ जंगल म चलेगिस। येती वन विभाग ग्रामीन मन ल जंगल के ओर जाय बर मना कर दे हे।