स्वयं के व्यय ले बीएड अऊ डीएड करे रहिस शिक्षक मन ल नई मिलही अग्रिम वेतन वृद्धि के लाभ, स्कूल शिक्षा विभाग ह जारी करिस आदेश

जय जोहार रायपुर…. स्कूल शिक्षा विभाग ह स्वयं के व्यय ले बीएड-डीएड करे रहिस 1993 के बाद ले नियुक्त शिक्षक मन बर आदेश जारी कर अग्रिम वेतन वृद्धि के अपात्र बता दे हे। ए आदेश ले सैकड़ों शिक्षक मन ल निराशा हाथ लगे हे।

स्कूल शिक्षा विभाग ह 30 जून 2018 के आदेश जारी कर एक जुलाई 2018 या ओखर ले ज्यादा अवधि ले सेवा देने वाला शिक्षक मन ल स्कूल शिक्षा विभाग म संविलियन करे रहिस। एखर बाद ले 1 जनवरी अऊ 1 जुलाई ले आठ वर्ष के सेवा पूरा करे म शिक्षाकर्मी मन ल शिक्षा विभाग म संविलियन करे जात हे।

बता देन कि स्कूल शिक्षा विभाग म 1993 ले पूर्व के नियु्क्ति मन म डीएड-बीएड अनिवार्य नई रहिस, जेखर बाद ले शिक्षा के गुणवत्ता ल बढ़ाए बर बीएड अऊ डीएड कोर्स ल लागू करे गिस। ऊहचे ए कोर्स करे बर शिक्षक मन ल प्रोत्साहित करे ल स्वयं के व्यय ले बीएड-डीएड करइया शिक्षक मन ल अग्रिम वेतन वृद्धि के पात्रता दे रहिस।