केंद्रीय वित्त राज्यमंत्री ह बताइस महंगाई ल यूपीए ले एक तिहाई कम
जय जोहार रायपुर…. एक तरफ दिनों दिन आम जनता ह महंगाई के बोझ ले दबत जात हे। ऊहचे केंद्रीय वित्त राज्यमंत्री अनुराग ठाकुर ह महंगाई ल कम करे के दावा करिस। केंद्रीय मंत्री ह कहिन कि केंद्र सरकार के तरफ ले उठाए गिस सही कदम के वजह ले जेन महंगाई यूपीए के कार्यकाल म 12 प्रतिशत रहिस, अब वो 4 प्रतिशत रह गिस।
छत्तीसगढ़ के एक दिन के दौरा म पहुंचिस केंद्रीय वित्त राज्यमंत्री अनुराग ठाकुर रायपुर के एक निजी होटल म पत्रकार मन ले रूबरू होत रहिस। ए दौरान वो हा कहिन कि पहिली बार मोदी सरकार के वित्त मंत्री के रूप म आए हव।
आज हमन छत्तीसगढ़ के व्यापारी, उद्योगपति अऊ सीए मन के संग बात करे हन। बैठक म सब ल बोले के मऊका मिलिस। इनकम टैक्स अऊ जीएसटी म चर्चा होइस। इनकम टैक्स ले जुड़े हुए वर्षों ले लंबित मामला मन ल 31 मार्च तक खत्म किए जाना हे।
