बैलाडीला खदान मामला: एनएमडीसी के सीईओ ह शोकॉज नोटिस के जवाब दे बर मांगिस 30 दिन के समय, वन विभाग के उपसचिव ल लिखे हे पत्र

जय जोहार रायपुर…. वन विभाग के तरफ ले थमाए गए कारण बताओ नोटिस के मामला म एनएमडीसी ह सरकार ले जवाब दे बर 30 दिन के समय मांगे हे। एनएमडीसी के सीईओ पंकज कुमार शर्मा ह 9 मार्च के वन विभाग के उपसचिव ल पत्र लिखे हे, एमा सात दिन के भीतर जवाब प्रस्तुत करे म एनएमडीसी ह खुद ल असमर्थ बताए हे। सीईओ ह एखर दो वजह पत्र म उल्लेख करे हे।

एनएमडीसी के सीईओ ह पत्र म केहे हे कि 7 मार्च के ओला ए पत्र प्राप्त होए हे। बीच म होली के तिहार के अवकाश घलो पड़त हे। ऊहचे दूसर बिंदु म केहे गे हे आपके नोटिस म उठाए गए बिन्दु न केवल गंभीर बल्कि एनसीएल बर मुख्य नीतिगत विषय हे। ए विचाराधीन पत्र के अलग-अलग बिंदु म जवाब दे बर के पूर्व हमें न केवल अपन वरिष्ठ अधिवक्ता ले मार्गदर्शन लेना परही, बल्कि एनसीएल संचालक मंडल के घलो बैठक आमंत्रित कर के आवश्यक मार्गदर्शन प्राप्त करना होही।

नोटिस म आगे केहे गिस हे कि उपरोक्त बिन्दु ल ध्यान म रखत हुए हमें 30 कार्य दिन के समय न्याय हित म प्रदान करे, ताकि हम अपन पक्ष प्रस्तुत कर सके।