सीएम ह दर्शनार्थी मन के सुविधा बर नवा रोपवे के करिस शुभारंभ, हजारों दर्शनार्थी मन ल मां बम्लेश्वरी के दर्शन के मिलही सुविधा

जय जोहार राजनांदगांव। जिला के धर्म नगरी डोंगरगढ़ स्थित मां बम्लेश्वरी के दर्शन बर जाने वाला दर्शनार्थी मन के सुविधा बर नए रोपवे के लोकार्पण आज मुख्यमंत्री भूपेश बघेल ह करिस। ए नवा रोपवे के शुरू हो जाए ले एक दिन म हजारों दर्शनार्थी मन ल मां बम्लेश्वरी के दर्शन बर जाए के सुविधा मिलही।

मां बम्लेश्वरी ट्रस्ट समिति डोंगरगढ़ के तरफ ले नवनिर्मित रोपवे के उद्घाटन समारोह के आयोजन करे गिस। उद्घाटन समारोह के मुख्य अतिथि मुख्य अतिथि भूपेश बघेल ह इहां लगभग 10 करोड़ रूपिया के लागत ले बनिस नवा रोपवे के शुभारंभ करिस। ए दौरान मुख्यमंत्री ह रोपवे म बैठ के मां बम्लेश्वरी के दर्शन करे बर पहुंचिस अऊ विधि विधान ले पूजा-अर्चना करिस।