सबो कर्मचारी अऊ अधिकारी मन के छुट्‌टी होइस रद्द, मुख्यालय छोड़े म घलो रोक

जय जोहार रायपुर…. राज्य सरकार ह स्वास्थ्य विभाग के सबो कर्मचारी मन के छुट्‌टी ल रद्द कर दे हे। ए संबंध म स्वास्थ्य विभाग के सचिव निहारिका बारिक ह अधीनस्थ सबो अधिकारी मन ल आदेश जारी कर दे हे। कर्मचारी मन ल ए बात के निर्देश दे गे हे कि वो हा बिना अनुमति मुख्यालय नई छोड़ही। तीन अलग-अलग बिंदु म निर्देश जारी करे गे हे।

निर्देश के मुताबिक सबो कर्मचारी मन के छुट्‌टी तत्काल प्रभाव ले रद्द कर दे गे हे। ऊहचे कर्मचारी मन ल ए बात के आदेश दे गे हे कि वो हा मुख्यालय म रहके अपन काम करही। निर्देश म केहे गे हे कि अगर आपात स्थिति म कोनो कर्मचारी या अधिकारी ल छुट्‌टी के जरूरत होत हे, त कलेक्टर ले विशेष अनुमति लेना होही। बिना कलेक्टर के अनुमति के कोनो कर्मचारी मुख्यालय नई छोड़ सकही।