आरक्षक भर्ती बर एक ले 25 अप्रैल तक होही फिजिकल टेस्ट, डीजीपी ह रेंज स्तर म भर्ती समिति गठित करे के दिस निर्देश

जय जोहार रायपुर…. आरक्षक भर्ती बर फिजिकल टेस्ट एक ले लेके 25 अप्रैल तक आयोजित करे जाही। पुलिस महानिदेशक डीएम अवस्थी ह जिला पुलिस बल भर्ती प्रक्रिया ल रेंज स्तर म भर्ती समिति के गठन करत हुए भर्ती बर उम्मदवार मन के दिवस अऊ तिथि वार चार्ट प्रोग्राम 28 मार्च तक जारी करे के निर्देश दे हे।

जिला पुलिस बल भर्ती बर शारीरिक दक्षता परीक्षा के संबंध म प्रचार प्रसार, लिखित परीक्षा म शामिल उम्मीदवार ल अवगत कराए के निर्देश दे गे हे। संगेसंग परीक्षा तिथि म उम्मीदवार मन के रोल नंबर के सूची प्रदर्शित करे बर तिथिवार कार्यक्रम जारी करे अऊ ओ कार्यक्रम समय सारिणी संबंधित जिला मन के पुलिस अधीक्षक कार्यालय, कंट्रोल रूप, अनुविभागीय अधिकारी पुलिस कार्यालय अऊ जिला के सबो थाना म प्रचार-प्रसार करे बर निर्देश दे गे हे।