तीन घंटा ले लंबा चलिस वीडियो कान्फ्रेंसिंग, सीएम बघेल ह कहिन- कोरोना के संकट के बीच नई होही प्रदेशवासी मन ल कोनो परेशानी
जय जोहार रायपुर…. कांग्रेस के जिलाध्यक्ष, विधायक अऊ सांसद मन ले प्रदेश के मुख्यमंत्री भूपेश बघेल ह कहिन कि कोरोना संकट के वजह ले प्रदेश के लोग मन ल किसी चीज के कोनो कमी नई होही। लोग चाहे प्रदेश के भीतर हो या फेर प्रदेश के बाहर। तीन घंटा बारह मिनट तक चलिस वीडियो कान्फ्रेंस म मुख्यमंत्री बघेल ह कहिन कि आज छ्त्तीसगढ़ ह दूसर प्रदेश के तुलना म बेहतर स्थिति म नजर आवत हे, क्योंकि राज्य ह राहुल गांधी के बात ल मान के कोरोना संकट ले निपटे बर समय ले कदम उठाए हे।
मुख्यमंत्री भूपेश बघेल ह ए वीडियो बैठक म अपन निवास ले शामिल होइस। जबकि प्रदेश प्रभारी पीएल पुनिया, प्रभारी सचिव चंदन यादव अऊ सोशल मीडिया प्रभारी रूचिरा चतुर्वेदी ह दिल्ली म अपन-अपन निवास अऊ प्रदेश अध्यक्ष मोहन मरकाम ह बस्तर बाड़ा ले बइठक म शामिल होइस।
सबले पहिली प्रदेश कांग्रेस अध्यक्ष मोहन मरकाम ह कोरोना महामारी के संक्रमण ले लड़े म राज्य सरकार के कार्य के सराहना करिन अऊ राष्ट्रीय अध्यक्ष सोनिया गांधी, छत्तीसगढ़ प्रभारी पीएल पुनिया ल समय-समय म मिलत रहे निर्देश ल महत्वपूर्ण बताइस। मुख्यमंत्री भूपेश बघेल ह कहिन कि ए बड़ा प्रशंसा के विषय हे कि संगठन के सबो लोग वीडियो कान्फ्रेंसिंग के माध्यम ले जुड़त हे अऊ ए महामारी के खिलाफ लड़ाई म निरंतर राज्य सरकार के सहयोग करत हे अऊ राहत कार्य म सक्रिय भूमिका निभावत हे।
एआईसीसी प्रभारी पीएल पुनिया ह मुख्यमंत्री भूपेश बघेल ल बधाई दिस अऊ कहिन कि भूपेश बघेल के नेतृत्व म ए महत्वपूर्ण लड़ाई लड़े जात हे। स्वास्थ्य मंत्री टीएस सिंहदेव ह राज्य सरकार के स्वास्थ्य विभाग के तरफ ले उठाए जात उपाय अऊ स्वास्थ्य विभाग के अपडेट के जानकारी सबो प्रतिभागी मन ल दिस। जिलाध्यक्ष, विधायक अऊ सांसद मन ह अपन-अपन क्षेत्र म आवत समस्या के विवरण दिस, जेला बइठक के दौरान अलग-अलग मंत्री अऊ मुख्यमंत्री के ओर ले सुलझाए के आश्वासन दिए गिस। कांग्रेस के प्रदेश उपाध्यक्ष गिरीश देवांगन, कोषाध्यक्ष रामगोपाल अग्रवाल, संचार विभाग के प्रमुख शैलेश नितिन त्रिवेदी, कांग्रेस सोशल मीडिया विभाग के प्रमुख जयवर्धन बिस्सा ए बइठक म शामिल होइस। वीडियो कान्फ्रेंसिंग म राजेश तिवारी, विनोद वर्मा अऊ प्रदीप शर्मा ह घलो भाग लिस।
