गृहमंत्री ताम्रध्वज साहू ह कोरोना वायरस के प्रति लोग मन ल जागरूक करे बर फेर रद्दा म उतरिस, घर म वक्त बिताए के करिन अपील
जय जोहार रायपुर…. प्रदेश के गृहमंत्री ताम्रध्वज साहू ह आज अपन विधानसभा क्षेत्र के कानून व्यवस्था के जायजा ले बर फेर रद्दा म उतरिस। ए दौरान सघन दौरा कर लोग मन ले सावधानी बरते बर के अपील करिन। ऊहचे सड़क म तैनात जवान मन ले हालचाल जानने के संगेसंग सावधानी किट दिस।
गृहमंत्री ताम्रध्वज साहू ह दुर्ग ग्रामीण विधानसभा के पाउवारा, जंजगिरी, अंडा, विनायकपुर आमटी, निकुम, खाड़ा अऊ अंजोरा म पहुंचिस अऊ लोग मन ले मिल के कोरोना वायरस के संक्रमण ल लेके सचेत करिन। ए दौरान गृहमंत्री ह लोग मन ले अपील करिन कि वे लोग बाहरी व्यक्ति मन ले मिले ल बचे। अभी ज्यादा ले ज्यादा वक्त अपन घर म रहे।
