निजी स्कूल ह पालक मन ले नई कर सकही फीस के वसूली, सरकार ह फेर जारी करिन आदेश

जय जोहार रायपुर…. मुख्यमंत्री भूपेश बघेल के निर्देश के बाद प्रदेश के सबो निजी स्कूल म लॉक डाउन के दौरान फीस वसूली म रोक लगा दे गे हे। लोक शिक्षण संचालनालय ह ए संबंध म निजी स्कूल ले फीस वसूली ल स्थगित करे के आदेश जारी कर दे गे हे।

संचालक लोक शिक्षण ह सबो जिला शिक्षा अधिकारी मन ल निर्देशित करे हे कि निजी स्कूल ह लॉक डाउन के अवधि म स्कूल फीस वसूली ल स्थगित रखे। जेखर ले पालक अऊ बच्चा मन ल अनावश्यक परेशानी नई हो। ए संबंध म सबो जिला शिक्षा अधिकारी मन ल जारी निर्देश म केहे हे कि राज्य शासन ल अईसे सूचना मिलत हे कि अनेक निजी स्कूल ल लॉक डाउन के अवधि म घलो स्कूल फीस जमा करे संबंधी संदेश ल पालक मन ल सरलघा भेजत हे।

लॉक डाउन के अवधि म स्कूल फीस भुगतान बर दबाव डालना उचित नई हे। ए संबंध म संचालक ह सबो जिला शिक्षा अधिकारी मन ल अपन सबो अधिनस्थ कार्यालय, शाला मन ल अवगत कराए अऊ एखर पालन सुनिश्चित कराए के निर्देश दे हे।