माकपा ह मुख्यमंत्री ल लिखिस पत्र, कहिन – लॉकडाउन ले पैदा जनसमस्या मन के करे निराकरण
जय जोहार रायपुर…. मार्क्सवादी कम्युनिस्ट पार्टी ह रविवार के मुख्यमंत्री भूपेश बघेल ल पत्र लिखे हे। एमा प्रदेश म बढ़त कोरोना महामारी के मद्देनजर प्रदेश म स्वास्थ्य उपकरण मन के कमी ल दूर करे ल, राशन दुकान, मध्यान्ह भोजन अऊ आंगनबाड़ी मन के जरिये खाद्य वितरण म होवत धांधली ल रोके ल अऊ कृषि कार्य मन म मनरेगा के दायरा म लाए बर सर्वदलीय बइठक बुलाए के सुझाव दे हे।
माकपा के राज्य सचिव संजय पराते हे संदिग्ध कोरोना मरीज मन के जांच अऊ इलाज बर आवश्यक किट, वेंटीलेंटर्स, चिकित्सक अऊ स्वास्थ्य कर्मी मन बर पीपीई, मास्क, दास्ताना मन के कमी के ओर मुख्यमंत्री भूपेश बघेल के ध्यान ल आकर्षित कराए हे। वोहा अपन पत्र म केंद्र सरकार के तरफ ल सुप्रीम कोर्ट म पेश हलफनामा के हवाला देत हुए राज्य सरकार के चलाए जात राहत कार्य मन ल अपर्याप्त बताए हे। वो हा कहिन कि आम जनता के उन हिस्सा मन तक, जिहां सरकार के पहुंच नई हे। राहत पहुंचाए बर गैर सरकारी संगठन अऊ व्यक्ति मन के फिजिकल डिस्टेंसिंग के पालन करत हुए निर्बाध काम करे के अनुमति दे जाना चाही।
