लॉकडाउन आगे बढ़े ले पहिली पीछे के गलती मन ल ठीक करे केंद्र सरकार: छत्तीसगढ़ किसान सभा

जय जोहार रायपुर…. छत्तीसगढ़ किसान सभा ह पूर्व म अनियोजित लॉकडाउन ल आगे बढ़ाए ले पहिली केंद्र सरकार अऊ प्रधानमंत्री ले पूर्व म करे गिस गलती मन ले सबक लेत हुए ओला ठीक करे के मांग करे हे। छत्तीसगढ़ किसान सभा के राज्य अध्यक्ष संजय पराते अऊ महासचिव ऋषि गुप्ता ह कहिन कि 24 मार्च ले जारी अनियोजित लॉकडाउन के चलत करोड़ों प्रवासी मजदूर, किसान, खेत मजदूर अऊ कमजोर वर्ग के तबका मन के अजीविका ह छीन गे हे अऊ वे भुखमरी अऊ कुपोषण के शिकार होवत हे। जबकि कोरोना वायरस ले लड़े बर पौष्टिक भोजन मिलना सबले ज्यादा जरूरी हे।

वो हा कहिन कि यदि लॉकडाउन के अवधि ल बढ़ाए जात हे, त केंद्र सरकार ह किसान अऊ कमजोर वर्ग के तबका मन के अजीविका अऊ स्वास्थ्य के सुरक्षा बर प्राथमिकता के संग निम्न कदम उठए।  देश के खाद्य सुरक्षा ल बनाए रखे बर मौसम के फसल मन के कटाई, परिवहन अऊ लाभकारी समर्थन मूल्य म खरीदी सुनिश्चित करे जाए। फसल के नुकसान अऊ किसान-खेत मजदूर मन के आय म कमी बर मुआवजा दे जाए अऊ अवइया मौसम बर ओमन ल मुफ्त बीज दे जाए। गरीबी रेखा ले नीचे के लोग मन बर 5000 रूपिया प्रति माह हस्तांतरित करे जाए। ए उद्देश्य बर चार लाख करोड़ रूपिया अलग आवंटन के घोसना करे जाए।