कोरोना ले जंग म ए जिला म तैयार होइस 100 बेड वाला वार्ड, 20 आईसीयू, कलेक्टर ह लिस तैयारी के जायजा

जय जोहार अम्बिकापुर…. वैश्विक महामारी कोरोना वायरस के जांच अऊ इलाज बर मेडिकल कालेज अस्पताल अम्बिकापुर म व्यापक तैयारी होवत हे। कलेक्टर डॉ. सारांश मित्तर ह आज मेडिकल कालेज अस्पताल म कोविड 19 के मरीज मन के इलाज के व्यवस्था अऊ पूर्व के निरीक्षण म दे गिस निर्देश के अनुपालन के वस्तुस्थिति ले अवगत होए ल जायजा लिस। कलेक्टर ह निरीक्षण के दौरान पाइस कि मेडिकल कालेज अस्पताल म कोविड 19 के मरीज मन बर 100 बेड के वार्ड अऊ 20 बेड आईसीयू पूरा तरह ले तैयार हे।

जिला म कोई घलो कोविड 19 के मरीज मिलत हे, त तत्काल ओखर इलाज के सुविधा इहां उपलब्ध होही। कलेक्टर ह मेडिकल कालेज अस्पताल के सबो चिकित्सक मन अऊ अन्य मेडिकल स्टाफ के तत्परता पूर्ण कार्य के सराहना करे हे अऊ किसी स्थिति ले निपटे बर तत्पर रहे के संग सुरक्षा मानक के अनुरूप कार्य निष्पादन के निर्देश दिस।