जिला के ए क्षेत्र के सीईओ ह करिस निरीक्षण, ड्यूटी म लगिस कर्मचारी मन ल दिस ए नसीहत

जय जोहार कोरिया…. कोरोना वायरस कोविड 19 के बढ़त मामला ल लेके जिहां प्रशासन सजग अऊ चौकस हे। पड़ोसी जिला कोरबा के कटघोरा म सरलघा मिलत पॉजिटिव केस मन ह छत्तीसगढ़ के चिंता ल बढ़ा दे हे। अईसे म कोरिया जिला प्रशासन के चौकसी अऊ मुस्तैदी ह अऊ अधिक हो गे हे।

जिला के खड़गवा विकासखंड ह कोरबा जिला के कटघोरा सीमा ले सटा हे। एक ओर जिहां जिला के कलेक्टर सीमा म स्थित धनपुर के क्षेत्र म सरपंच सचिव मन के बइठक ले के आवश्यक निर्देश देवत हे। ऊहचे जिला पंचायत के मुख्य कार्यपालन अधिकारी तूलिका प्रजापति ह जिला के सीमा मन म स्थित बैरियर मन के निरीक्षण कर आवश्यक चौकसी बरते बर निर्देश प्रभारी अऊ बैरियर मन तैनात प्रहरी मन ल देवत हे।

आज मुख्य कार्यपालन अधिकारी ह खड़गवा विकासखंड के कोड़ा, सकड़ा, नेउरी, पैनारी, जरौधा, धनपुर के जेन कोरिया जिला के मरवाही गौरेला पेंड्रा अऊ कोरबा जिला के सीमा ले लगे ए बैरियर मन के निरीक्षण करिन। ऊहचे देवाडांड, बड़ेमुड़ा, पेंड्री, मेंड्रा कटकोना पंचायत मन के निरीक्षण करिस।