कोरोना के फेर तीन नवा मरीज मिलिस, अब एक्टिव मरीज मन के संख्या होइस 13

जय जोहार रायपुर…. छत्तीसगढ़ म फेर ले कोरोनो के तीन नवा मरीज मिले हे, जेन मरीज मिले हे, ओमा दो महिला अऊ एक पुरुष हे। सबो कोरोना पाजिटिव ह प्रदेश के हॉट स्पॉट एरिया कटघोरा ले मिले हे। तीनों मरीज मन के रिपोर्ट ह पाजिटिव आइस हे। एखर संगेसंग प्रदेश म कोरोना मरीज मन के संख्या ह बाढ़ के 36 हो गे हे।

ऊहचे ए तीन मरीज मन के मिले के संग अब 13 एक्टिव मरीज हे, जेखर इलाज जारी हे, जेन 10 मरीज ह पहिले ले भर्ती हे, ओखर इलाज रायपुर एम्स म होवत हे। एखर पहिली गुरुवार के छह मरीज मन के रिपोर्ट ह निगेटिव आए के बाद ओ मन ल डिस्चार्ज कर दे गे रहिस। आप मन ल बता देन कि 23 मरीज अब तक स्वस्थ होके घर लहुट चुके हे।