सउचालय निर्मान के प्रोत्साहन रासि अभु तक नइ मिलिस हे

धमतरी। जिला म ग्रामीन मन ल सउचालय निर्मान के प्रोत्साहन रासि अभु तक नइ मिलिस हे। मामला नगरी इलाका के उमरगांव के हे। जेकर सिकायत ग्रामीन मन जिला प्रसासन ले करिन। इलाका के लगभग 80 परिवार ह बछर भर पहिली ही सउचालय के निर्मान कर ले हे। फेर निर्मान रासि बर ओमन दर-दर भटकत हे। ग्रामीन मन के माने त ओ मन कई बेरा सरपंच ले गुहार लगाइन हे, फेर कउनो सुनवाई नइ होइस हे। उहें जिला प्रसासन ह ग्रामीन मन ल जल्दी भुगतान के भरोसा दिलाइस हे।