भाजपा के पत्र म कांग्रेस के जवाबी हमला, एति-ओति के बात ले ध्यान ल भटकाए के कोशिश ज्यादा

जय जोहार रायपुर…. प्रदेश के मुख्यमंत्री भूपेश बघेल के सलाहकार रूचिर गर्ग के पत्र के जवाब म भाजपा के ओर ले आइस दो पत्र के जवाब म कांग्रेस संचार विभाग के प्रमुख शैलेश नितिन त्रिवेदी ह कहिन कि दोनों नेता मन ह एति-ओति के बात ले ध्यान ल भटकाए के कोशिश करे हे, लेकिन ये नई बताइस कि केंद्र सरकार के ओर ले राज्य ल कोरोना संकट ले लड़े बर आखिर का मिलिस। भाजपा ह कठिन सवाल मन ले कन्नी काटे के कोशिश करे हे। वो हा कहिन कि कांग्रेस चाहती हे कि रूचिर गर्ग के पत्र म उठाए गिस सवाल अऊ कुछु अन्य महत्वपूर्ण सवाल मन के जवाब भाजपा दे, जेखर ले जनता के सामने ओखर भूमिका स्पष्ट हो सके।

वो हा कहिन कि केंद्र के नरेंद्र मोदी सरकार ह कोरोना संकट ले जूझने बर जेन एक लाख 70 हजार करोड़ के पैकेज घोसित करे हे. ओमा ले कतना पैसा छत्तीसगढ़ राज्य ल मिले ल जात हे। ए पैकेज म जेन एक बड़ा घोसना हे कि मनरेगा के मजदूरी ह पहली अप्रैल ले 20 रूपिया बाढ़ जाही। एखर मतलब ये हे कि एक मजदूर ल 100 दिन के काम मिल जात हे, त साल म ओला मात्र 2000 रूपिया अतिरिक्त मिलही। अऊ मिलही तब जब भुगतान होही। वो हा पूछिस कि राज्य मन ल वर्ष 2019-20 के 1555 करोड़ रूपिया केंद्र ले मिले ल बचे हे। एमा ले कुचु राशि अभी आइस हे, लेकिन वो घलो ऊंट के मुहुं म जीरा हे। भाजपा ह बताए कि केंद्र सरकार ह मनरेगा के पूरा पैसा क्यों नई देवत हे।