मुख्यमंत्री सहायता कोष ले दे गिस सात करोड़ के राशि, सबो जिला मन ल जारी होइस 25-25 लाख रूपिया
जय जोहार रायपुर…. मुख्यमंत्री भूपेश बघेल ह राज्य म कोरोना वायरस के संक्रमण के रोकथाम बर सबो 28 जिला मन ल 25-25 लाख रूपिया के राशि जारी करे हे। मख्यमंत्री सहायता कोष ले कुल 7 करोड़ रूपिया के राशि जारी करे गे हे। ये राशि ल कोरोना संक्रमण के रोकथाम बर आवश्यक संसाधन, सामग्री अऊ राहत कार्य बर खर्च करे जाही।
मुख्यमंत्री भूपेश बघेल ह एखर पूर्व राज्य के 11 जिला मन ल 20-20 लाख रूपिया के राशि जारी करे रहिस। एमा कोरबा, बिलासपुर, रायपुर, दुर्ग, रायगढ़, बलौदाबाजार, राजनांदगांव, बलरामपुर, मुंगेली, कोरिया अऊ कबीरधाम जिला शामिल रहिस। अभी 25-25 लाख रूपिया प्रदेश के सबो 28 जिला मन ल आबंटित करे गे हे।
