उत्तर पुस्तिका के जांच होगे शुरू, मूल्यांकन कर्ता मन के घर भेजे गिस एग्जाम के कॉपी
जय जोहार…. बालोद जिला म उत्तर पुस्तिका के जांच के प्रक्रिया ह शुरू हो गे हे। जिला शिक्षा अधिकारी कार्यालय ले मूल्यांकन कर्ता मन ल उत्तर पुस्तिका ल भेजे जा चुके हे। वर्क फ्राम होम के माध्यम ले मूल्यांकन कर्ता ह उत्तर पुस्तिका के मूल्यांकन करत हे।
जिला शिक्षा अधिकारी ह बताइस कि जल्द ये काम पूरा कर ले जाही। सोमवार ले मूल्यांकन ह शुरू हो चुके हे। वो हा बताइस कि जिला म कक्षा बारहवीं ले 24692 उत्तर पुस्तिका मिले हे, जेखर मूल्यांकन शुरू कर दे गे हे।
संगेसंग कक्षा दसवीं से 38 हजार कापी मूल्यांकन बर आय हे। मूल्यांकन कर्ता मन के घर में पहुंचा के उत्तर पुस्तिका दे गे हे। संगेसंग 79 मूल्यांकन कर्ता मन के तरफ ले उत्तर पुस्तिका के मूल्यांकन करे जात हे।
