चिलचिलाती धूप म ड्यूटी करत रहिस पुलिस कर्मी, विधायक ह करिन छाता, गमछा अऊ पानी के बोतल भेंट
जय जोहार…. रायपुर पश्चिम के विधायक विकास उपाध्याय ह आज राजधानी के अलग-अलग चौक-चौराहा मन म कार्य करत यातायात पुलिस के जवान मन ल छाता, गमछा अऊ पानी के बोतल भेंट कर आभार व्यक्त करिस। विधायक ह बताइस कि हमर मन के शास्त्रों म बताय गे हे कि अक्षय तृतीया के तिथि ले गर्मी के तापमान म बढ़ोतरी के बात केहे गे हे।
प्रतिवर्षानुसार ए वर्ष घलो मे हा ए वीर योद्धा मन ल जिहां ये अपन ड्यूटी करत हे। उहां जा के ए मन ल छाता, गमछा अऊ पानी के बोतल दे के शहर के यातायात व्यवस्था ल बनाय रखे बर दिन-रात अपन सेवा दे बर ओखर आभार व्यक्त करिन। वो हा कहिन कि अभी कोरोना वायरस के चलत लॉकडाउन हो या फेर भीषण गर्मी म शहर के अलग-अलग चौक-चौराहा म शहर के यातायात व्यवस्था संभाले के हो। हमर मन के यातायात पुलिस के जाबांज सिपाही ह निर्भीक हो के सरलघा अपन जिम्मेदारी के निर्वहन करत आवत हे। ये जाबांज सिपाही ह कोरोना वायरस के प्रभाव म घलो बिना भय के दिन रात अपन सेवा शहरवासी मन ल प्रदान करत हे। ए यातायात पुलिस कर्मी मन म ह मन ल गर्व हे।
