जय जोहार…. पूरा देश म कोरोना वायरस ले बचाव बर कई प्रयास करे जात हे। कोरोना ले बचे बर सरकार ह कमर कस ले हे। ऊहचे कोरोना ले निपटे बर छत्तीसगढ़ सरकार के संगेसंग स्वयंसेवी संगठन अऊ आम लोग घलो अपन-अपन योगदान देवत हे। अईसे म अम्बिकापुर के लोक गायिका बबीता विश्वास ह घलो लोग मन ल जागरूक करे बर गीत गाया हे।
लोक गायिका बबीता विश्वास ह बताइस कि ए गाना के उद्देश्य लोग मन ल कोरोना महामारी के संक्रमण ले बचाव बर जागरूक करना हे। संगेसंग एमा वायरस ले बचाव बर अलग-अलग सुरक्षा उपाय के बारे म घलो जिक्र करे गे हे। ये गीत ल बबीता विश्वास ह छत्तीसगढ़ के प्रसिद्ध गायन शैली पंडवानी भरथरी पद्धति म गाया हे। ए गीत म बबीता ह दिन रात एक कर के ए खतरनाक वायरस से बचाव म लगे हमर मन के डॉक्टर, स्वास्थ्य कर्मी, पुलिस कर्मी, मीडिया कर्मी, सफाई कर्मचारी बर घलो संदेश दे हे। कोरोना के ये गीत बबीता ह खुद लिखे हे अऊ गाना के धुन ल बबीता के पति ह दे हे।
No Comment! Be the first one.