कोरोना ले जंग म सिंधी समाज ह बढ़ाइस मदद के हाथ, विधायक के माध्यम ले कलेक्टर-एसएसपी ल सौंपिस 500 शील्ड मास्क

जय जोहार…. कोरोना संकट के बीच रायपुर म सिंधी समाज ह मदद बर हाथ आघू बढ़ाया हे। रायपुर उत्तर विधायक कुलदीप जुनेजा के नेतृत्व म जिला प्रशासन ल 500 शील्ड मास्क सौंपे गे हे। ए शील्ड मास्क ल कलेक्ट्रेट म कलेक्टर अऊ एसएसपी ल दे हे। जेन प्रशासन के अधिकारी अऊ कर्मचारी मन के काम आ सके।

एसएसपी आरिफ शेख ह कहिन कि आज युवा सिंधी समाज ह विधायक कुलदीप जुनेजा के नेतृत्व म मास्क दिस। ह मन ल घलो अईसे मास्क के आवश्यकता हे, जेखर ले धूप म खड़े हमर मन के ट्रैफिक के जवान संक्रमण ले बच सके। ओखर मन बर ये मास्क पीपीई किट के सामान हे। कोरोना के संक्रमण ल रोके बर करीब 500 शील्ड मास्क एखर मन के तरफ ले दे गिस।