मुख्यमंत्री भूपेश बघेल ह छत्तीसगढ़ म विदेशी निवेश आमंत्रित करे के रणनीति ल दिस सैद्धांतिक सहमति

जय जोहार…. मुख्यमंत्री भूपेश बघेल ह छत्तीसगढ़ राज्य म प्रत्यक्ष विदेश निवेश के संबंध म उद्योग विभाग के प्रस्तावित कार्ययोजना ल सैद्धांतिक सहमति प्रदान कर दे हे। मुख्यमंत्री बघेल ह उद्योग विभाग के प्रमुख सचिव ल कुछु चुनिंदा सेक्टर के उद्योग मन ल छत्तीसगढ़ म आमंत्रित करे बर आवश्यक चर्चा अऊ पत्राचार करे के घलो बात कहिस।

राज्य म ऑटोमोबाइल, आयरन अऊ स्टील, भारी इंजीनियरिंग, इलेक्ट्रिक वायर अऊ ऑप्टिकल फायबर आदि उद्योग मन के स्थापना बर प्राथमिकता ले विदेशी पूंजी निवेश के संबंध म विस्तार ले चर्चा करे गिस। ए अवसर पर उद्योग मंत्री कवासी लखमा, मुख्यमंत्री के अपर मुख्य सचिव सुब्रत साहू, उद्योग विभाग के सचिव मनोज पिंगुआ समेत अन्य अधिकारी ह उपस्थित रहिस।