मजदूर हमर मन बर दुनिया गढ़त हे, उन मजदूर मन के आज का हालत हे: शैलेश नितिन त्रिवेदी
जय जोहार…. छत्तीसगढ़ प्रदेश कांग्रेस कमेटी के संचार विभाग के प्रमुख शैलेश नितिन त्रिवेदी ह कहिन कि आज मजदूर दिवस हे अऊ देश के मजदूर ह आज सड़क म हे। अपन घर-अपन गांव वापस लहुटने बर साधन के बाट जोहने बर मजबूर हे। रोज कमइया, रोज खवइया मजदूर अपन बच्चा मन ल का खिलाही। आज राशन के व्यवस्था कईसे होही, ये सोचे बर मजबूर हे। नोटबंदी म त गरीब मजदूर मन ल कतार म खड़े करे गे रहिस, लेकिन आज मजदूर सड़क म अपन घर लहुटने बर कतार म चले बर मजबूर हे। जेन मजदूर हमर मन बर दुनिया गढ़त हे, उन मजदूर मन के दुनिया के आज का हालत हे।
कांग्रेस संचार विभाग के प्रमुख शैलेश नितिन त्रिवेदी ह कहिन कि मजदूर मन के ये समस्या ह कईसे दूर होही अऊ ओ मन ल कईसे राहत पहुंचाए जा सकत हे। ये सोचे ल अऊ एखर कार्ययोजना बनाना आज मजदूर दिवस म हमर मन के सबले पहली प्राथमिकता हे। वो हा कहिन कि पहली मई मजदूर दिवस म ए बार मजदूर मन ले माफी मांगनी चाही अऊ सोचे ल चाही कि जेन मजदूर मन ह ह मन ल सबले अधिक ख्याल रखना रहिस, वे काबर भूखे, प्यासे सैकड़ों किलोमीटर के पैदल यात्रा बर मजबूर हे।
वो हा कहिन कि छत्तीसगढ़ के सरकार ह प्रदेश के भीतर अऊ देश के अलग-अलग हिस्सा म फंसे मजदूर मन ल हरसंभव सहायता उपलब्ध करवाइस हे। ओखर मन बर राशन, पानी अऊ अन्य जरूरत के घलो इंतजाम करे हे. लेकिन साफ दिखत हे कि ये पर्याप्त नई हे। क्योंकि मजदूर मन ल काम ले निकाल दे गे हे। जेन घर म मजदूर मन रहत रहिस, ऊहां ले निकाल दे गे हे अऊ मजदूर सड़क म आय ल मजबूर हो गे हे।
