छत्तीसगढ़ के श्रमिक मन के रेलयात्रा के किराया देही कांग्रेस सरकार, परिवहन आयुक्त ह रेलवे ल लिखिस पत्र

जय जोहार…. मुख्यमंत्री भूपेश बघेल ह लॉकडाउन ले अन्य राज्य म फंसे छत्तीसगढ़ के श्रमिक मन के घर वापसी बर अहम फैसला ले हे। वो हा कहिन कि श्रमिक मन ल स्पेशल ट्रेन के तरफ ले प्रदेश म लाये म ओखर यात्रा किराया के व्यय भार ल राज्य सरकार ह वहन करही। मुख्यमंत्री बघेल के निर्देश म राज्य के परिवहन आयुक्त डॉ. कमलप्रीत सिंह ह रायपुर के डिवीजनल रेलवे मैनेजर अऊ नोडल अधिकारी (रेलवे) श्याम सुंदर गुप्ता ल पत्र लिखे हे।

परिवहन आयुक्त ह अपन पत्र म लिखे हे कि कोविड 19 के तहत भारत सरकार के तरफ ले पूरा देश म तृतीय लॉकडाउन के तहत चार मई ले दु सप्ताह के प्रभावी अवधि तक लॉकडाउन घोसित करे गे हे। एखर चलत छत्तीसगढ़ राज्य के मजदूर अऊ श्रमिक जेन अन्य राज्य म फंसे हे। ओ मन ल रेल सुविधा के माध्यम ले लाये बर राज्य शासन के तरफ ले निर्णय ले गे हे।