गरीब मजदूर मन के हित म भाजपा सांसद मन के चुप्पी ह निंदनीय- राजेश बिस्सा

जय जोहार…. वरिष्ठ कांग्रेस नेता राजेश बिस्सा ह छत्तीसगढ़ के भाजपा सांसद मन म प्रदेश के गरीब मजदूर मन के हित म चुप्पी साधे के आरोप लगाये हे। वो हा कहिन कि छत्तीसगढ़ सरकार ह अलग-अलग प्रदेश म फंसे गरीब मजदूर मन ल रेल के माध्यम ले घर लाये के प्रयास करत हे। अईसे समय म भाजपा सांसद मन के तरफ ले रेल किराया ल माफ करे बर केंद्र सरकार ल चिट्‌ठी काबर नई लिखे जात हे। वो हा भाजपा सांसद मन ले छ्त्तीसगढ़ के जनता अऊ गरीब मजदूर मन के संग खड़े रहे के अपेक्षा करे हे।

वो हा कहिन कि भाजपा सांसद मन ह मदद नई करही, त घलो कांग्रेस के राष्ट्रीय अध्यक्ष सोनिया गांधी अऊ मुख्यमंत्री भूपेश बघेल ह सबो खर्च ल वहन करत हुये गरीब मजदूर मन ल सकुशल अपन घर पहुंचाए के संकल्प ले ले हे, लेकिन भाजपा सांसद मन के चुप्पी ह निंदनीय हे।