एखर सती सीएम बघेल ह फेर पीएम मोदी ल लिखे हे चिट्ठी, 30 हजार करोड़ ल स्वीकृत करे बर करिन मांग
जय जोहार…. सीएम भूपेश बघेल ह फेर प्रधानमंत्री नरेंद्र मोदी ल पत्र लिखे हे। एमा राज्य ल अवइया तीन महीना म 30 हजार करोड़ के पैकेज ल स्वीकृत करे बर अनुरोध करे हे। सीएम बघेल ह कहिन कि ये पैकेज ल स्वीकृत नइ करे जात हे त आर्थिक संकट के सती प्रदेश के सामान्य कामकाज के संचालन ह घलो संभव नइ हो सकही। राज्य के अर्थव्यवस्था ल पटरी म लाये बर ए पैकेज म ले 10 हजार करोड़ के आर्थिक सहायता ल तुरंत दे जाना चाही। जेखर ले ये निर्णय ले जा सके कि उद्योग, व्यवसाय, कामगार अऊ अन्य गतिविधि ल कतना-कतना आर्थिक सहायता ल दे जाये।
सीएम बघेल ह पत्र म लिखे हे कि देश म कोविड 19 वायरस के संक्रमण के सती अभूतपूर्व संकट क स्थिति ह उत्पन्न होय हे। केंद्र अऊ राज्य सरकार के तरफ ले एकजुटता के संगेसंग ए आपदा ले निपटे बर हरसंभव कोशिश करे जावत हे। राज्य म पूर्ण लॉकडाउन के 48 दिन ह पूरा हो गे हे। अभी घलो कोविड 19 वायरस के नवा संक्रमित मन के संख्या ह बाढ़े ले ये प्रतीत होवत हे कि निकट भविष्य म ए महामारी के पूरा नियंत्रित होये अथवा समाप्त होये के संभावना ह अत्यंत क्षीण हे।
