ए कांग्रेस विधायक ह मुख्यमंत्री भूपेश बघेल ल लिखे हे पत्र, अन्य राज्य म फंसे मजदूर मन ल वापस लाये के करिन मांग

जय जोहार…. देशभर के अन्य राज्य म फंसे छत्तीसगढ़ के मजदूर मन ल वापस लाये के मांग ह लगातार उठत हे। ए बार कांग्रेस विधायक बृहस्पति सिंह ह मुख्यमंत्री भूपेश बघेल ल पत्र लिखे हे। एमा अन्य राज्य म फंसे रामानुजगंज समेत अन्य जिला के मजदूर मन ल वापस लाये के मांग करे हे। पत्र के संगेसंग 685 मजदूर मन के नाम के सूची घलो दे हे।

विधायक ह बताइस कि छत्तीसगढ़ के अलग-अलग जिला के मजदूर ह हिमाचल प्रदेश, पश्चिम बंगाल, हरियाणा, बिहार, उत्तरप्रदेश, तेलंगाना, कर्नाटक, बेंगलुरु, राजस्थान, उड़ीसा, महाराष्ट्र के संगेसंग मध्यप्रदेश, केरल, आंध्रप्रदेश, तमिलनाडु अऊ गुजरात के कई जिला म फंसे हे। जे मन ल जल्द अपन प्रदेश वापस लाये के मांग करे हे।