छत्तीसगढ़ बर राहत भरे खबर, चार अऊ मरीज ह जीतिस कोरोना ले जंग, एम्स ह करिन डिस्चार्ज

जय जोहार…. छत्तीसगढ़ बर राहत भरे खबर आवत हे। एम्स म भर्ती चार अऊ कोरोना पॉजिटिव मरीज ह ठीक हो गे हे। एमा ले दू सूरजपुर अऊ दू कबीरधाम जिला के रहिस। ए मरीज मन के रिपोर्ट ह निगेटिव आय के बाद सोमवार के डिस्चार्ज कर दे गे हे। रायपुर एम्स ह ट्वीट कर ये जानकारी ल दे हे। प्रदेश म अब केवल छह कोरोना पाजिटिव केस रह गे हे। जेखर इलाज ह एम्स म चलत हे।

बता देन कि प्रदेश म कुल 59 कोरोना पाजिटिव केस रहिस, जेमा ले 53 मरीज ह स्वस्थ हो के अपन घर लहुट चुके हे। प्रदेश म अब केवल छह कोरोना पाजिटिव मरीज हे, जेखर एम्स अस्पताल म इलाज जारी हे।