छत्तीसगढ़ बर राहत भरे खबर, एक अऊ कोरोना मरीज ह होइस स्वस्थ, एम्स ह करिन डिस्चार्ज

जय जोहार…. छत्तीसगढ़ बर राहत भरे खबर सामने आवत हे। एम्स अस्पताल म एक अऊ कोरोना मरीज ह ठीक हो गे हे। एखर बाद ओला एम्स ले डिस्चार्ज कर दे गे हे। स्वस्थ होवइया मरीज ह कबीरधाम के रहवइया हे। ओला अवइया 14 दिन तक होम आइसोलेशन म रहना होही। एखर पुष्टि ल एम्स ह ट्वीट कर करे हे।  राज्य म अब कोरोना संक्रमित मरीज के एक्टिव केस ह सिरिफ चार रह गे हे। जेखर एम्स म इलाज जारी हे अऊ सब्बो के हालत ह स्थिर हे।

बता देन कि राज्य म अब तक कुल 59 कोरोना मरीज ह मिले हे। जेमा ले 55 मरीज ह स्वस्थ होके अपन घर लहुट चुके हे। जबकि सिरिफ चार एक्टिव मरीज ह बचे हे, जेखर एम्स म इलाज चलत हे।