तीस जून तक नई चलही नियमित ट्रेन, रेलवे ह रद्द करिन सब्बो टिकट
जय जोहार…. भारतीय रेलवे ह 30 जून तक के सब्बो टिकट ल रद्द कर दे हे। अब 30 जून तक कोनो भी नियमित ट्रेन ह नई चलही। हालांकि एखर असर ह श्रमिक ट्रेन अऊ स्पेशल ट्रेन म नई परही अऊ ये ट्रेन ह पहिले जइसन जारी रही।
बता देन कि 24 मार्च ले लागू लॉकडाउन के बीच सब्बो नियमित ट्रेन ह रद्द हो गे हे। अइसे म जेन लोगन मन ह पहिले टिकट ल बुक करवा दे रहिस, ओखर टिकट ल रद्द कर दे गे हे। भारतीय रेलवे ह तीस जून तक के बुकिंग ल रद्द कर सब्बो टिकट के रिफंड ग्राहक मन ल दे दे हे।
