corona: बलौदाबाजार म मिलिस दू अऊ कोरोना मरीज, अब तक आठ नवा केस

जय जोहार…. बलौदाबाजार-भाटापारा जिला म कोरोना (corona) के दू अऊ मरीज मन के पुष्टि होय हे। दुनो प्रकरण ह जिला के बिलाईगढ़ विकासखंड ले हे। एम्स रायपुर ह जांच के बाद रिपोर्ट के सूचना ल जिला प्रशासन ल दे हे। एखर मन के जांच बर नमूना ल विगत 17 तारीख के ले गे रहिस। ए दू प्रकरण ल मिला के जिला म कोरोना (corona) के अब आठ मामला सामने आय हे।

गौरतलब हे कि बालोद जिला म घलो दू अऊ कोरोना पाजिटिव मरीज मिले हे। कुछ दिन पहिले कोरोना (corona) संक्रमित मरीज मन ह मुम्बई ले लहुटे रहिस। एखर उम्र 25 ले 40 वर्ष बताय जावत हे। महाराष्ट्र ले वापस आय के बाद संक्रमित दुनो मजदूर ह क्वारेंटाइन म रहिस। एहतियातन दुनो मजदूर मन के सैम्पल ल जांच बर एम्स भेजे गे रहिस। एम्स ले आज एखर रिपार्ट ह पाजिटिव आय हे। एम्स ह आधिकारिक ट्विटर हैंडल ले एखर पुष्टि करे हे।