आज ले नौतपा होइस सुरू, चलही गर्म हवा

जय जोहार…. राजधानी रायपुर म आज ले गर्म हवा चलइया हे। जेखर ले लू लगे के संभावना ह बाढ़ गे हे। क्योंकि सोमवार ले नौतपा ह सुरू हो गे हे। रायपुर म 45 डिग्री सेल्सियस तापमान ह दर्ज करे गे हे। छत्तीसगढ़ म 28 मई के बाद लू ले राहत मिलही। एखर बाद तीन जून तक गर्म हवा के थपेड़ा परही। एखर सेति दोपहर एक बजे ले शाम पांच बजे तक घर ले बाहर न निलके। एला लेके मौसम विभाग ह अलर्ट जारी करे हे।

बतावत जात हे कि 25 मई के बिहनिया सात बजे ले सूर्य ह रोहिणी नक्षत्र म प्रवेश कर गे हे। एखर संग ही नौतपा सुरू हो गे हे। ये स्थिति ह दू जून तक रही। ए दिन म सूर्य ह पृथ्वी के सबले करीब होवत हे। ए नक्षत्र म सूर्य ह लगभग 15 दिन तक रही, लेकिन शुरूआती नौ दिन म गर्मी ह बड़ अकन बाढ़ जात हे। एखर सेति ए 9 दिन के बेरा ल नौतपा केहे जात हे।