एड्स, डायरिया, मलेरिया, पीलिया, स्वाइन फ्लू अउ डेंगू ले 6,224 लोगन के मउत

रायपुर। छत्तीसगढ़ म 2013 ले ये वर्ष जून तक एड्स के बीमारी ले 3051 लोगन के मृत्यु होइस हे। विधानसभा म विपक्ष के नेता टीएस सिंह देव के सवाल के ​लिखित जवाब म स्वास्थ्य मंत्री अजय चंद्राकर ह ये जानकारी दीस।
स्वास्थ्य मंत्री ह बताइन के राज्य म एड्स, डायरिया, मलेरिया, पीलिया, स्वाइन फ्लू अउ डेंगू से 2013 से जून 2018 तक के अवधि म राज्य म 6,224 लोगन के मउत होय हे। येमा ले एड्स ले 3,051 लोगन के, डायरिया ले 298 लोगन के, मलेरिया ले 284 लोगन के, पीलिया ले 94 लोगन के, स्वाइन फलू ले 121 लोगन के अउ डेंगू ले 14 लोगन के मउत होइस हे।