छत्तीसगढ़ म फेर मिलिस तीन नवा कोरोना पाजिटिव मरीज

जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे। बुधवार के घलो तीन नवा कोरोना पाजिटिव मरीज मन के पहचान होय हे। बिलासपुर, बलौदाबाजार अऊ जगदलपुर म एक-एक मरीज मिले हे। ऊहचे कुल सक्रिय मरीज मन के संख्या ह बाढ़ के 281 हो गे हे। प्रदेश म कुल मरीज मन के संख्या ह 364 हो गे हे। ऊहचे 83 मरीज ह स्वस्थ होके अपन घर लहुट चुके हे।

राज्य कोरोना कंट्रोल डेस्क मुताबिक आज कोरोना संक्रमित तीन नवा मरीज मिले हे। ऊहचे  रायपुर एम्स ले चार मरीज ल स्वस्थ होय के बाद डिस्चार्ज कर दे गे हे।