जय जोहार…. देश म कोरोना संक्रमित मरीज मन के संख्या ह सरलघा बाढ़त हे। भारत म पिछले 24 घंटा म कोरोना संक्रमण के 6566 नवा मामले आय हे। जबकि 194 लोगन मन के मौत हो गे हे। कोरोना ले सबले जियादा प्रभावित राज्य महाराष्ट्र हे, जिहां के स्थिति ह काफी खतरनाक हो गे हे। स्वास्थ्य मंत्रालय के तरफ ले जारी अपडेट के अनुसार भारत म कुल मरीज मन के संख्या ह 1.58 लाख ले जियादा हो गे हे। ए बीमारी ले 67692 मरीज ह स्वस्थ हो गे हे।
कोरोना ले सबले जियादा प्रभावित राज्य महाराष्ट्र हे, इहां 57 हजार के लगभग कोरोना के मामले ह सामने आ चुके हे. जेमा ले 1897 लोगन मन के जान चले गे हे। ऊहचे तमिलनाडु म कोरोना मामले के संख्या ह 18545 हे। जेमा ले 133 लोगन मन के मौत हो गे हे। दिल्ली म मरीज मन के संख्या ह 15257 हे, जेमा ले 303 लोगन मन के जान चले गे हे। गुजरात म कुल मरीज मन के आंकड़ा ह 15195 हे, जेमा ले 938 लोगन मन के मौत हो गे हे।
Other Articles
छत्तीसगढ़ म फेर मिलिस तीन नवा कोरोना पाजिटिव मरीज
