छत्तीसगढ़ म फेर मिले हे 31 नवा कोरोना मरीज, एक्टिव मामले ह बाढ़ के होइस 375

जय जोहार। छत्तीसगढ़ म कोरोना संक्रमित मरीज मन के संख्या ह सरलघा बाढ़त जात हे। रविवार के प्रदेश म 31 नवा करोना संक्रमित मरीज मिले हे। एखर संग प्रदेश म कुल सक्रिय मरीज मन के संख्या ह बाढ़ के 375 हो गे हे।

आज जेन नवा मरीज मिले हे, ओमा जशपुर जिला म सबले जियादा 16 नवा मरीज के पहचान होय हे। ऊहचे महासमुंद ले 12, कोरबा ले दू अऊ रायपुर ले एक कोरोना पाजिटिव मरीज मिले हे।  जे मन ल कोविड-19 अस्पताल म भर्ती करे के प्रक्रिया ह जारी हे।

बता देन के प्रदेश म कुल कोरोना मरीज मन के संख्या ह 478 हो गे हे। कोरोना के अब एक्टिव केस ह बाढ़ के 375 हो गे हे। ऊहचे 102 लोगन मन ह स्वस्थ होके अपन घर लहुट चुके हे।  रायपुर म एक मरीज के कोरोना ले मौत होय हे।