छत्तीसगढ़ म फेर मिले हे कोरोना के पांच नवा मरीज, सक्रिय केस बाढ़ के होइस 388
जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे। राज्य म इतवार अऊ सोमवार के दरमियानी रात पांच नवा कोरोना पाजिटिव मरीज मिले हे। एखर संग प्रदेश म कुल कोरोना संक्रमित मरीज मन के संख्या ह 503 हो गे हे।
स्वास्थ्य विभाग के मुताबिक देर रात पांच नवा कोरोना पाजिटिव मरीज के पहचान करे गे हे। एमा रायगढ़ म दू, दुर्ग, राजनांदगांव अऊ महासमुंद म एक-एक मरीज मिले हे। प्रदेश म सक्रिय मरीज मन के संख्या ह फेर बाढ़ के 388 हो गे हे।
बता देन कि प्रदेश म कुल कोरोना संक्रमित मरीज मन के संख्या ह 503 हो गे हे। जेमा ले 114 मरीज मन ह स्वस्थ होके अपन घर लहुट चुके हे। एक्टिव मरीज मन के संख्या ह 388 हे। ऊहचे रायपुर म एक कोरोना पाजिटिव मरीज के मौत हो चुके हे।