छत्तीसगढ़ म 16 जिला के 27 विकासखण्ड ह रेड जोन म

जय जोहार…. छत्तीसगढ़ म कोरोना संक्रमण के खतरा ह बाढ़त जात हे। प्रदेश म 16 जिला के 27 विकासखण्ड ह रेड जोन म हे। स्वास्थ्य विभाग के तरफ ले जारी सूची म बिलासपुर जिला के सबले जियादा पांच विकासखण्ड ह रेड जोन म हे। जबकि राजधानी रायपुर के एक विकासखण्ड ह रेड जोन म हे। जशपुर जिला के तीन विकासखण्ड ह रेड जोन म हे।

मुंगेली, रायगढ़, महासमुंद अऊ राजनांदगांव जिला के दू-दू विकासखण्ड ल रेड जोन म शामिल करे गे हे। बाकी जिला म एक-एक विकासखण्ड ह रेड जोन म हे। ऊहचे 17 जिला के 39 विकासखण्ड ल आरेंज जोन म रखे गे हे।