छत्तीसगढ़ म एक दिन म मिलिस कोरोना के 89 नवा मरीज

जय जोहार…. छत्तीसगढ़ म कोरोना संक्रमित मरीज मन के संख्या ह सरलघा बाढ़त जात हे। शुक्रवार दिन म 64 मरीज मन के पहचान होय के बाद शाम के नवा 25 मरीज मिले हे। जेन 25 मरीज ह मिले हे, ओमा बलौदाबाजार-भाटापारा जिला ले 12 अऊ बिलासपुर ले 13 मरीज हे। ए मरीज मन ल मिला के दिन भर म 89 मरीज मन के पहचान हो चुके हे।

बलौदाबाजार-भाटापारा जिला म जेन 12 नवा मरीज मिले हे, ओमा तीन डॉक्टर घलो शामिल हे। बतावत जात ह कि तीनों डॉक्टर मन के ड्यूटी ह भाटापारा स्टेशन म प्रवासी मजदूर मन के जांच बर लगाय गे रहिस।

बता देन कि प्रदेश कोरोना संक्रमित मरीज मन के संख्या ह 863 हो गे हे। जेमा ले सक्रिय मरीज मन के संख्या ह 655 हे। ऊहचे 206 लोगन मन ह ठीक होके अपन घर लहुट चुके हे।