एक्टिंग दमदार.. गायन म महारथ हासिल हे संगीता ल.. संघर्षपूर्ण जीवन के बीच चलत हे फिल्मी सफर
जय जोहार बर दीपक बावनकर
जय जोहार. सुंदरानी फिल्म्स के बैनर म बनईया “आई लव य“ फिलिम म संगीता निषाद ह ठकुराइन के दमदार भूमिका निभाए हे। ऐ भूमिका ल काफी पसंद करे जात हे। संगीता के जीवन हमेशा ले संघर्षपूर्ण रहे हे। अपन छोटे भाई बहनी ल पढ़ाए लिखाए के जिम्मेदारी के संगे-संग अपन घर चलाए के सब्बो दारोमदार ल ओ ह बखूबी निभात हे।
बचपन ले संगीता के सपना रिहिस की ओ ह गायक के तौर ले दुनिया म नाम कमाए। फेर वक्त बीतत गिस अऊ अब संगीता ह आदाकारी के रद्दा म चल पड़िस। आज संगीता एक्टिंग के क्षेत्र म अपन लोहा मनवाए बर शुरू कर दे हे। शुरू शुरू म छोटी-छोटी भूमिका करत करत आज ओखर जगह बड़े ऑफर घलो आए बर लग गे हे। डायरेक्टर पुष्पेंद्र सिंह ह अपन ड्रीम ड्रामा प्रोजेक्ट “सियारा“ बर संगीता ल साईन करे हे। संगीता ए प्रोजेक्ट म सीता के भूमिका निभाए हे। लोगन मन ऐला काफी पसंद करत हे। वर्तमान म संगीता द्वारा अभिनित छत्तीसगढ़ी फीचर फिलिम “आई लव य“ के अभी एडिटिंग के काम चलत हे देन म ओ ह ठाकुराइन के सशक्त भूमिका ल ईमानदारी ले निभाए हे। जय जोहार के टीम डाहर ले संगीता ल ओखर उज्वल भविष्य के शुभकामना…. ओ ह पड़े परदा म नाम रोशन करे के संगे-संग छत्तीसगढ़ी भाखा के अलख जग म बगराए बर अपन योगदान दिही।
