राजीव गांधी जयंती के दिन प्रदेश कांग्रेस मुख्यालय राजीव भवन के घलो होही विस्तार, ए दिन होही शिलान्यास

जय जोहार…. वीडियो कॉन्फ्रेंसिंग ले आज एक महत्वपूर्ण बइठक होय हे। जेमा मुख्यमंत्री भूपेश बघेल, प्रदेश कांग्रेस अध्यक्ष मोहन मरकाम, प्रदेश कांग्रेस कोषाध्यक्ष रामगोपाल अग्रवाल, प्रदेश कांग्रेस उपाध्यक्ष गिरीश देवांगन अऊ कांग्रेस संचार विभाग के अध्यक्ष शैलेश नितिन त्रिवेदी ह चर्चा म भाग लिस। एमा निर्णय ले गे हे कि जेन जिला मुख्यालय म कांग्रेस भवन नई हे, वहां 20 अगस्त के कांग्रेस भवन के शिलान्यास करे जाही।

संगेसंग प्रदेश कांग्रेस मुख्यालय राजीव भवन के विस्तार के कार्य ल घलो आरंभ करे के निर्णय ले गिस। प्रदेश कांग्रेस मुख्यालय राजीव भवन के निर्माण के तरह जिला कांग्रेस भवन के निर्माण म घलो कांग्रेस जन ले सहयोग ले के निर्णय ले गे हे। एखर बर समिति बना के तुरते कार्यवाही सुरू करे जावत हे। सब्बो जिला कांग्रेस कार्यालय के निर्माण म एकरूपता ल सुनिश्चित करे ले अऊ अग्रिम कार्यवाही के जवाबदारी समिति ल सौंपे जात हे।