जय जोहार…. छत्तीसगढ़ म कोरोना पाजिटिव मरीज मन के संख्या ह सरलघा बाढ़त हे। बलौदाबाजार जिला म आज दोपहर तक कोरोना के चार नवा मरीज के पहचान होय हे। एम्स ले रिपोर्ट ह आय के बाद जिला प्रशासन ह संक्रमित मरीज मन के पुष्टि करे हे। संक्रमित मरीज ह बलौदाबाजार विकासखण्ड के ग्राम धाराशिव के हे। जिला म कोरोना के कुल संक्रमण के मामले ह 114 पहुंच चुके हे। जेमा ले 101 एक्टिव केस हे। जबकि 13 लोगन मन ह स्वस्थ हो गे हे। जेन मन ल अस्पताल ले डिस्चार्ज कर दे गे हे।
स्वास्थ्य विभाग ह मेडिकल बुलेटिन जारी करत हुये बताय हे कि छ्त्तीसगढ़ म आज 31 कोरोना संक्रमित मरीज मन के पुष्टि होय हे। देर रात 20 नवा कोरोना मरीज मिले रहिस। जेमा बलौदाबाजार म 7, रायपुर म 5, कोरबा म 3, कोरिया-जांजगीर म 2-2 मरीज मिले रहिस। ऊहचे बिलासपुर म घलो एक मरीज मिले रहिस। एखर बाद आज 11 नवा मरीज मिले हे, जेमा कांकेर म 5, बेमेतरा म तीन अऊ कोरिया म तीन मरीज के पहचान होय हे।
Other Articles
