corona : छत्तीसगढ़ म फेर मिले हे कोरोना के 52 नवा मरीज, एम्स ह ट्वीट कर दिस जानकारी

जय जोहार…. छत्तीसगढ़ म कोरोना (corona) ले जुड़े एक बड़का खबर आवत हे। छत्तीसगढ़ म आज कोरोना (corona) के 52 नवा मरीज के पहचान होय हे। एखर जानकारी ल रायपुर एम्स ह ट्वीट कर दे हे।

आज जेन कोरोना (corona) के नवा मरीज मिले हे, ओमा रायपुर ले 9, कोरबा ले 14, कवर्धा ले 6, जांजगीर-चांपा ले 4, रायगढ़ ले एक, राजनांदगांव ले पांच अऊ बलौदाबाजार ले 13 मरीज शामिल हे।

बता देन कि ए नवा मरीज मन के संग प्रदेश म कुल संक्रमित मन के संख्या ह बाढ़ के 1160 हो गे हे। जेमा ले एक्टिव मरीज मन के संख्या ह 887 हे। ऊहचे 266 मरीज ह ठीक होके अपन घर लहुट चुके हे। जबकि ए वायरस ले चार लोगन मन के मौत हो गे हे।