corona : भारत म 24 घंटा म सामने आय हे कोरोना के 9987 नवा मामले, 331 लोगन मन के होइस मौत

जय जोहार…. भारत म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना के कुल संक्रमित मरीज मन के संख्या ह 2 लाख 66 हजार ले जियादा हो गे हे। पिछले 24 घंटा म कोरोना (corona) के 9987 नवा मामले के पहचान होय हे। जबकि एक दिन म सबले जियादा 331 लोगन मन के मौत हो गे हे। केन्द्रीय स्वास्थ्य मंत्रालय के आकड़े के मुताबिक देश म कोरोना संक्रमित मरीज मन के संख्या ह कुल 2 लाख 66 हजार 598 हो गे हे।

जबकि कोरोना (corona) के सक्रिय केस के संख्या ह 1 लाख 29 हजार 917 हे। ए बीमारी ले अब तक 7466 लोगन मन के जान चले गे हे। ऊहचे एक लाख 29 हजार 215 लोगन मन ह स्वस्थ होके अपन घर लहुट चुके हे। महाराष्ट्र ह ए वायरस ले देश म सबले जियादा प्रभावित होय हे। ए राज्य म पिछले 24 घंटा म 2553 नवा मामले सामने आय हे। जबकि 109 लोगन मन के मौत हो गे हे। राज्य म कोरोना ले प्रभावित होवइया लोगन मन के कुल संख्या ह बाढ़ के 88528 हो गे हे। ऊहचे 3169 लोगन मन के जान चले गे हे।