26 किसान अऊ आदिवासी संगठन ह काली करही प्रदेशव्यापी आंदोलन

जय जोहार…. पांच मुख्य मांग ल लेके छत्तीसगढ़ के 26 किसान अऊ आदिवासी संगठन ह काली बुधवार के प्रदेशव्यापी आंदोलन करही। ए संगठन के मांग म धान के समर्थन मूल्य ल 3465 रूपिया घोसित करे ल, ठेका कृषि ल कानूनी दर्जा दे के विरोध, मनरेगा म रोजगार अऊ नगद आर्थिक सहायता दे ल, बिजली क्षेत्र के निजीकरण के आलावा केन्द्र सरकार के किसान विरोधी संशोधन ल वापस लेके शामिल हे।

ए संगठन म छत्तीसगढ़ किसान सभा, आदिवासी एकता महासभा, किसानी प्रतिष्ठा मंच, भारत जन आंदोलन, छग प्रगतिशील किसान संगठन, राजनांदगांव जिला किसान संघ, क्रांतिकारी किसान संघ, छत्तीसगढ़ बचाओ आंदोलन, छमुमो मजदूर कार्यकर्ता समिति, हसदेव अरण्य बचाओ संघर्ष समिति आदि संगठन शामिल हे।